Blog

Interesting Facts Of Athreya

atreya

ఆత్రేయకు సంబంధించిన ఆసక్తికర సత్యాలు 

~ డా తలతోటి పృథ్వి రాజ్ , (ఆత్రేయ సాహితీ పరిశోధకులు )

ఆత్రేయ కలం పేరు:     

‘ఆచార్య ఆత్రేయ’ అనేది కలం పేరు. ఆత్రేయకు తల్లిదండ్రులు పెట్టిన పేరు కిలాంబి వేంకట నరసింహాచార్యులు. ఆచార్య ఆత్రేయ పేరులోని ‘ఆచార్య’ అనే పదం బిరుదుగాని, విద్యార్హతను సూచించే పదంగాని కాదు. నరసింహాచార్యులనే పేరులోని ఉత్తర భాగమే ‘ఆచార్య’. ఇక ‘ఆత్రేయ’ అనేది వారి గోత్ర నామం. ఇలా ఆచార్య పదానికి గోత్రనామాన్నికలిపి “ఆచార్య ఆత్రేయ” అనే కలం
పేరును రూపొందించుకున్నారు ఆత్రేయ గారు
దేశభక్తునిగా:
        1942లో ఆత్రేయ చిత్తూరులో  ఉపాధ్యాయ శిక్షణ పొందుతూ “క్విట్  ఇండియా” ఉద్యమంలో పాల్గొనగా పోలీసులు పట్టుకుని జైల్లో వేశారు. కొన్నాళ్ళు జైలు జీవితాన్ని గడిపిన దేశభక్తుడు ఆత్రేయ.
ఆత్రేయ ఉద్యోగాలు:
        ఆత్రేయ సినిమా రచయిత గాకముందు బ్రతుకుదెరువు కోసం అనేక ఉద్యోగాలు చేశారు. ఏ ఉద్యోగంలోనూ స్థిరంగా లేడు. నెల్లూరు జిల్లా మున్సిఫ్ కోర్టులో కాపీయిస్ట్ గా కొన్నాళ్ళు,తిరుత్తని సెటిల్ మెంట్ ఆఫీసులో గుమస్తాగా కొన్నాళ్ళు, నెల్లూరు జిల్లాలోని ‘జమీన్ రైతు’ పత్రికకు సహాయ సంపాదకునిగా కొన్నాళ్లు, ఆంధ్ర నాటక కళా పరిషత్తులో వేతన కార్యదర్శిగా కొన్నాళ్ళు పనిచేశారు. సినిమా రచయిత అవకాశం కోసం మద్రాసు వచ్చిన తొలిదినాల్లో ఆత్రేయ కొన్నాళ్లు ఇంటింటికి తిరిగి సబ్బులు అమ్మే ఉద్యోగం చేశారు.
ఆత్రేయ ప్రేమ వ్యవహారం:
వివాహానికి ముందు ఆత్రేయ బాణం అనే యువతిని గాఢంగా ప్రేమించాడు.  కొన్ని కారణాల చేత ఆమెను వివాహం చేసుకోలేకపోతాడు. పెద్దలను నొప్పించలేక వారు కుదిర్చిన ప్రకారం 1940 ఫిబ్రవరి 10వ తేదీన పద్మావతి గారిని వివాహం చేసుకున్నాడు. పెద్దల ఒత్తిడితో పెళ్ళైతే చేసుకున్నాడుగాని ప్రియురాలిని మర్చిపోలేక పోతాడు ఆత్రేయ. ఆత్రేయ ప్రేయసి పేరు ‘బాణం’. చక్కగా వీణను మీటేదట!  అందుకే ఆత్రేయ వీణపాటల రచన కు ప్రసిద్ధి.  మాయని ఆ ప్రేమ గాయాలే అనేక ప్రేమగీతాలు-సంభాషణల రచనకు ప్రేరణ అయ్యాయి. 
రాత్రేయ:
        ఒకసారి ఆత్రేయను కలవడానికి శ్రీశ్రీ గారు వచ్చి అక్కడున్న బొల్లిముంత శివరామకృష్ణ తో “రాత్రేయ ఉన్నాడా?” అని అడిగారంట. రాత్రేయ అని శ్రీశ్రీ ఎవరి గురించి అడిగాడా అనుకున్నారట!
కొద్దిసేపటి గాని శివరామకృష్ణ గారికి అర్థం కాలేదు శ్రీశ్రీ అలా ఎందుకు అన్నారో.  విశేషమేమిటంటే.. ఆత్రేయ రాత్రులే ఎక్కువగా రచన చేస్తాడట. ఆత్రేయ శిష్యుడు జె.కె.భారవి మధ్య జోక్. ” గురువుగారు తెల్లారైంది. ఇక నిద్ర పోదామా!” అనేవాడట భారవి.
బూత్రేయ:
        కొన్ని పాటలకు ఆత్రేయను కొందరు బూత్రేయ అని కూడా అనేవారు. ఒక సినీ రచయితగా తానూ అలా రావాల్సిన పరిస్థితి కి బాధపడుతూ… ” నా సినిమా సాహిత్యం గూర్చి కొన్ని నిజాలు చెప్పాలి.
నేను రాసినవన్నీ మంచివి కావు.  కొన్ని చెత్త పాటలూ రాసాను. కొన్ని బూతులుగా  ధ్వనించేవీ రాశాను.  సినిమా కవి బ్రతుకు అనేకానేక అభిరుచులుగల విటులను సంతృప్తి పరచవలసిన పడుపు వృత్తి” అని వివరణ కూడా ఇచ్చారు ఆత్రేయ. ‘ఎదురులేని మనిషి’ సినిమాలో ‘అబ్బా… దెబ్బ తగిలిందా…”  అనే పాటలో “తగలరాని తావులో తగిలింది” అని రాసిన ఆ లైన్ ను  అబ్జెక్ట్  చేస్తూ మీరు అంత పబ్లిక్ గా డెలిబరేట్ గా సెక్స్ రాస్తే ఎట్లాగండీ?  మీరెలా సమర్థిస్తారు దీన్ని?” అని సెన్సార్ బోర్డు చైర్మన్ అడిగాడట. ఏం చేయాలో పాలుపోని దర్శక, నిర్మాతలు పాట రాసిన ఆత్రేయ గారిని ఆర్గ్యుమెంట్ కి పంపిస్తారు. తగలరని చోటులో తగిలిందని రాసినందుకు మీరు అబ్జెక్ట్ చేశారు.  అసలు తగలవలసిన చోటులెక్కడో మీరు చెప్తే తగలరాని చోటేదో నేను చెప్తానని ఆత్రేయ వాదించారు.  ఆ వాదనకు సెన్సార్ బోర్డు వారు తెల్లముఖం వేశారట!. “బూతులు విషయానికి వస్తే అది రాయడం కూడా చాలామందికి చేత కాదు.  అది రాయడానికి కూడా చాలా టాలెంట్ కావాలి” అని మాటల రచయిత దివాకర్ బాబు అంటారు.
        ఆత్రేయకు చత్వారం వచ్చినా కళ్ళజోడు వాడేవారు కాదు. అతి చిన్న అక్షరాల్ని రాత్రులు చదవాల్సి వచ్చినప్పుడు మాత్రమేబూతద్దంలో చూస్తూ చదివేవారు. ఓసారి ఆత్రేయ అలా చదివే సమయంలో ఓ నిర్మాత వచ్చి ” ఏమిటి?… బూతద్దంలో చూస్తున్నారు” అని అడిగాడు. “నా రచనల్లో బూతు ఉందంటారుగా -వెదుకుతున్నా” అని ఆత్రేయ అన్నారట!
ఆత్రేయ డిక్టేటర్:
అవును!. ఆత్రేయ డిక్టేటరే! హిట్లర్ లాంటి డిక్టేటర్ కాదు ; ఆయన డిక్టేట్ చేస్తూ ఉంటే తన అసిస్టెంట్స్ రాస్తూ ఉంటారు. అలాగ ఆయన డిక్టేటరే !
        ఒకసారి శ్రీ మోదుకూరి జాన్సన్ ఆత్రేయను కలిసి పిచ్చాపాటి మాట్లాడుతూ “నేను మీ అడుగు జడలలోనే నడుస్తున్నాను. నిర్మాత ముందుగా డబ్బిస్తేగాని రాయడం లేదు గురువుగారు”అన్నాడట. “పిచ్చివాడా , నేను డబ్బిచ్చినా రాయడం లేదు. ఆ సంగతి నీకు తెలియదేమో పాపం “అన్నారట ఆత్రేయ నవ్వుతూ…
        ఆత్రేయకు ఒకరోజు పావలా దొరికితే దాంతో ఒక ఎక్సర్ సైజ్ పుస్తకం కొని వీథి దీపం క్రింద కూర్చొని “గౌతమబుద్ధ “నాటకం రాసి ఒక ప్రచురణ కర్తకు చూపించగా ఆతనికి నచ్చి 50 రూపాయలు పారితోషకం ఇవ్వగా అదే పదివేలుగా భావించి ఆత్రేయ పుచ్చుకున్నాడట !
 
ఆత్రేయ దుర్భర జీవితం :
        ఒక జత వస్త్రాలతో కాలం గడుపుతూ నాటకాలకు ఉపయోగించే తెరలు చుట్టుకొని దుర్భర దారిద్ర్యాన్ని అనుభవించారు ఆత్రేయ . అప్పుడప్పుడు ఆత్రేయకు పావలా బేడా టిఫిన్ చెయ్యమని ఇచ్చేవాడట హాస్యనటుడు రమణారెడ్డి. ఆత్రేయ సినీకవిగా లక్షలు ఆర్జించినా చివరి దశలో దుర్భర పరిస్థితుల్ని అనుభవించారు. ఎంత ఆర్థిక దుస్థితి అంటే -“కీర్తి ప్రతిష్టల్ని తాకట్టు పెట్టుకునేవాడు ఎవడన్నా ఉంటే బాగుండయ్య “అని మతాల రచయిత దివాకర్ బాబుతో అనేవాడట ఆత్రేయ ! 
ఆత్రేయ విశ్వాసాలు:
        ఆత్రేయ గారి పాటలు, సంభాషణలను బట్టి ఆయనను కొందరు హేతువాదిగా, నాస్తికునిగా భావిస్తారు.  అతనికున్న కొన్ని నమ్మకాలను బట్టి ఆత్రేయకూడా అందరిలాంటి వాడేనని అందరికీ అర్థమవుతుంది. ఎప్పుడూ మే 7వ  తేదీన పుట్టినరోజు చేసుకునే ఆత్రేయ తిథి, వార నక్షత్రాలు అన్నీ కలిసి వచ్చాయని మే 21వ తేదీన తన పుట్టిన రోజును జరుపుకోబోతున్నట్లు ఆత్రేయ స్వయంగా వెల్లడించాడు.  ఆత్రేయకు సంఖ్య శాస్త్రం మీద పిచ్చి నమ్మకం.  ఆత్రేయకు నాడీ జ్యోతిష్యం పై గొప్ప విశ్వాసం. 
ఆత్రేయ తొలి చివరి పాటలు మాటలు:
        రచనా క్రమం రీత్యా “దీక్ష” చిత్రంలో “పోరా బాబు పో” అనే పాట మొదటిది కాగా “ప్రేమయుద్ధం “లోని “ఈ మువ్వల గానం మన ప్రేమకు ప్రాణం” అనే పాట ఆత్రేయ గారి చివరి పాట. ఆత్రేయను పాటల రచయితగా తన “దీక్ష”(1951) చిత్రంతో పరిచయం చేసిన దర్శకుడు కె.ఎస్.ప్రకాశరావు గారు.  అదే చిత్రానికి ఆత్రేయను మాటల రచయితగా కూడా పరిచయం చేశారు.
     తాపీ ధర్మారావు, ఆత్రేయ  “దీక్ష ” చిత్రానికి సంయుక్తంగా సంభాషణలు సమకూర్చారు.  మాటల రచయితగా ఆత్రేయగారు చివరిగా సంభాషణలు సమకూర్చిన చిత్రం “లైలా”(1989).
        డాక్టర్ చక్రవర్తి సినిమా లో శ్రీశ్రీ రచించిన “మనసున మనసై బ్రతుకున బ్రతుకై” అనే మనసు పాటలు బట్టి అది మనసు కవి ఆత్రేయ రాశారని, “తోడికోడళ్లు ” సినిమాలో ఆత్రేయ రచించిన “కారులో షికారుకెళ్ళే పాలబుగ్గల పసిడీదాన ” అనే అభ్యుదయ గీతాన్ని బట్టి దీన్ని శ్రీ శ్రీ రాశారని చాలామంది పొరబడుతుంటారు.  ఆత్రేయ సుమారు రెండు వేల పాటలు,  రెండు వందల సినిమాలకు మాటలు రాశారు.
ఆత్రేయ బిరుదులూ-పురస్కారాలు:
        ఆత్రేయ మనిషి, మనసు, మమత అనే పదాలను విడిచిపెట్టకుండా మాటలు -పాటలు రాస్తుంటారు కనుకనే ఆయనకు మన’సు’కవి అని  పేరు వచ్చింది. ఇది ప్రజలిచ్చిన బిరుదుగా ఆత్రేయ భావించారు.  1989 మే 5వ తేదీ ఆంధ్ర సార్వత్రిక విశ్వవిద్యాలయం వారు ఆత్రేయగారికి గౌరవ డాక్టరేట్ ను ప్రదానం చేశారు.        తమిళ చిత్ర పరిశ్రమలో ఆత్రేయలాంటి గొప్ప రచయిత కన్నదాసన్. ఒకోసారి వీరిరువురు ఒకరి భావాలు ఒకరు షేర్ చేసుకునే వారట! అందుకే ఆత్రేయను “ఆంధ్రా కన్నదాసన్” అనేవారు. నాటక రంగంలో ఎన్నో అవార్డులు అందుకున్నారు ఆత్రేయ.  నాటక రచయితగా ఆత్రేయను “ఆంధ్ర ఇబ్బన్”  అని అంటారు. “సతీ సావిత్రి ” టైటిల్ కార్డులో “కవితా సుధానిధి “గా ఆత్రేయను చిత్ర దర్శకుడు పేర్కొన్నారు. 
ఆత్రేయ స్క్రిప్ట్ గూర్చి:
 తెలుగు సినిమా స్క్రిప్ట్ కు స్వరూపాన్ని ఇచ్చినవారు ఆత్రేయ.  సినిమా సంభాషణలు రాసే ముందుపేపరును పై భాగంలో “శ్రీ విఘ్నేశ్వరాయ నమః “అని రాసేవారు. పేపరును నిలువుగా సగ భాగానికి మడిచి ఎడమవైపు ఎర్ర సిరాతో యాక్షన్ పార్ట్ ను,  కుడివైపు నీలిరంగు సిరాతో సంభాషణలు రాసేవారు
        రాసి ప్రేక్షకుల్ని రాయక నిర్మాతలను ఏడ్పిస్తాడని ఆత్రేయ మీద ఒక పెద్ద విమర్శ.  నిజమే!.  తాను అనుకున్నది మనసులో నుంచి వచ్చే వరకు రోజులు…  నెలలు పట్టవచ్చు! అప్పుడే పేపర్ మీద పెడతాడు. సముద్రమంత మథనం జరగాలి.  అలా ఆత్రేయ రాసిన మాటలు ప్రేక్షకులకు కన్నీళ్లు పెట్టిస్తాయి.  సెంటిమెంట్ సంభాషణలు రాయడంలో ఆత్రేయది అందెవేసిన చెయ్యి.  లేడీస్ సెంటిమెంట్ లేకపోయినా సెంటిమెంట్ ఆత్రేయ బాగా రాస్తాడని శ్రీశ్రీపొగిడేవాడట! 
సినిమా స్క్రీన్ ప్లే పై ఆత్రేయకున్న పట్టు :
        ఆత్రేయ గారికి సినిమా స్క్రీన్ ప్లే పట్ల ఎంత అవగాహన ఉందో తెలుసుకోవడానికి ఈ సంఘటన ఒక ఉదాహరణ. “జీవనతరంగాలు” సినిమా తీసే ముందు బ్యాగ్రౌండ్ సాంగ్ పెట్టాలనే ఆలోచనలో లేరు దర్శక-నిర్మాతలు.  సెట్టింగ్ లో స్టోరీ చర్చిస్తుండగా ఆత్రేయ గారు అక్కడికి వచ్చారు.  కథానాయిక తల్లి చనిపోయిన తర్వాత ఆ సీన్ కట్ చేస్తే ఆ తర్వాత చితి,ఫ్లేమ్ ను సీన్ గా చూపిద్దామని అనుకుంటుండగా ఈ రెండింటికి మధ్య బ్యాగ్రౌండ్ టైటిల్ సాంగ్ పెడితే బ్రహ్మాండంగా ఉంటుందని చెప్పి పాట రాసుకొని తీసుకు వస్తాడు ఆత్రేయ.  పాట బాగానే ఉంది మరి ఎలా చిత్రీకరించాలో మాకు అర్థం కావట్లేదని వారు అంటే ఆత్రేయ ఇలా వివరిస్తాడు. ఈ  సినిమాలో కథానాయిక పేరు రోజా.  ఆమె తమ్ముడు చందు.  దొంగతనం అతని అలవాటు. చందుని ఒక సారి పోలీసు వెంబడిస్తుంటే వారి నుండి తప్పించుకోవడానికి ఒక శవాన్ని మోసికెళ్ళే గుంపులోకి వెళ్లి వాళ్లలోని ఒకరిని తప్పుకోమని అతని భుజానికి పాడెను ఎత్తుకుంటాడు.  పోలీసులు వెళ్ళగానే  మళ్ళీ వెళ్ళిపోతాడు.  ఇక్కడే- ” మమతే మనిషికి బందిఖానా/భయపడి తెంచుకు పారిపోయినా/తెలియని పాశం వెంటబడి/ఋణం తీర్చుకోమంటుంది/ నీ భుజం మార్చుకోమంటుంది” అని సాహిత్యానికి దృశ్యాన్ని సమన్వయం చేస్తాడు. అదీ ఆత్రేయ గొప్పతనం!
ప్రకృతి సౌందర్యపు తావుల్లో రూపుదాల్చే ఆత్రేయ పాటలు- మాటలు:
        ఆత్రేయ సుందర ప్రదేశాలలో ప్రకృతిని ఆస్వాదిస్తూ పాటలు-సంభాషణలు రాయడానికి ఎక్కువ ఇష్టపడతాడు.  సినిమా సన్నివేశానికి సంబంధించిన భావుకత ప్రేరణకై  ఎక్కువగా రాత్రివేళ మద్రాస్ మెరీనా బీచ్ కుఆత్రేయ వెళ్లేవారట ! “వెలుగు నీడలు ” చిత్రానికి ఆత్రేయ చేత మంచి సంభాషణలు రాయించుకోడానికి డి మధుసూదన్ రావు గారు ఆత్రేయ గారికి ఒక కారు,  అసిస్టెంట్ డైరెక్టర్ కె. వి. రావు,  డ్రైవర్, బోయ్ ను అప్పగించి కేరళలోని పీచీ డ్యామ్ గెస్ట్ హౌస్ కు పంపించాడు.  నెల రోజులకు ఆత్రేయ స్క్రిప్ట్ అప్పజెప్పాడట! “మధుర స్వప్నం” సినిమాకు మాటలు రాసింది ఆత్రేయ.  ఆ సినిమా క్లైమాక్స్  గోదావరి నదిలో పడవ మీద రాస్తానంటే ఆ చిత్ర దర్శకుడు రాఘవేంద్ర రావు గారు ఆత్రేయకు డిక్టేట్ చేసేవి రాయడానికి సహాయకునిగా మాటల రచయిత ఆకేళ్లను ఏర్పాటు చేయించి రాయించారు.
విచిత్ర ఆత్రేయ తత్వం:
        ఐదు వందల అడ్వాన్స్ అరువుకోసం దర్శక నిర్మాతలదగ్గరకు టాక్సీలో తిరిగి 300 టాక్సీ కి ఇచ్చి 200 మిగుల్చుకున్న రోజులు ఆత్రేయ జీవితంలో ఎన్నో …!  ఆత్రేయకు డబ్బులున్నా నిద్ర పట్టదు; డబ్బులు  లేకపోయినా నిద్ర పట్టదు. డబ్బులుంటే నిద్రాహారాలు మనైనా సరే ఆ డబ్బు ఖర్చు అయేవరకు ఏదోఒకటి కొనేవారు.  డబ్బు లేకపోతే ఏదో ఒక నిర్మాత దగ్గర డబ్బు ముట్టేదాకా తిరుగుతూ ఉండేవారట.  ఆత్రేయ కొత్త కొత్త వస్తువుల మీద వ్యామోహం ఎక్కువ. ఖరీదైన ఫైల్స్, కాగితాలు, వాచీలు, సిగరెట్లు, సెంట్లు, సిల్కు బట్టలు మొదలగు వాటికి డబ్బంతా తగలేసేవారట.
సహృదయతకు తార్కాణం ఆత్రేయ :
      తాను దర్శక-నిర్మాతగా నిర్మించిన “వాగ్దానం” చిత్రం ద్వారా తెలుగు చిత్ర పరిశ్రమకు “దాశరధి”ని పాటల రచయితగా పరిచయం చేసిన సహృదయుడు ఆచార్య ఆత్రేయ.
బహుముఖ ప్రజ్ఞాశాలి గా ఆత్రేయ:
      ఆత్రేయ గొప్ప నాటక రచయితగా,ప్రయోక్తగా, దర్శకునిగా, నటునిగా ప్రత్యేక స్థానాన్ని కలిగి ఉండటమే గాక, “వాగ్దానం” చిత్రానికి దర్శక-నిర్మాతగా,రుణానుబంధం,  దేశమంటే మట్టికాదోయ్”  మొదలైన చిత్రాలకు కథారచయితగా “మూగ మనసులు” చిత్రానికి ఆత్రేయ-ముళ్ళపూడి వెంకటరమణ, డాక్టర్ ఆనంద్ చిత్రానికి ఆత్రేయ-వి.మధుసూదనరావు,  “వాగ్దానం” చిత్రానికి ఆత్రేయ-బొల్లిముంత శివరామకృష్ణ, “తోడికోడళ్ళు”  చిత్రానికి ఆత్రేయ-ఆదుర్తి సుబ్బారావు గార్లు కథానుసరణలు చేశారు.  సతీసావిత్రి, ఆదర్శ కుటుంబం చిత్రాలకు ప్రత్యగాత్మ-ఆత్రేయ, “మంచి మనసులు” చిత్రానికి ఆదుర్తి- ఆత్రేయ, “కన్నతల్లి” చిత్రానికి జగన్నాథం -ఆత్రేయ స్క్రీన్ ప్లేలు సమకూర్చారు.
సినీ నటునిగా ఆత్రేయ “కోడెనాగు” “ఆదర్శం” చిత్రాల్లో నటించాడు. “కోడెనాగు”చిత్రంలో రామశర్మ పాత్రల్లో నటించారు. “భామాకలాపం”  చిత్రంలో అతిథి పాత్రలో నటించారు. అపర శ్రీనాధునిగా ఆత్రేయను చెప్పుకోవచ్చు. భోగాలు అనుభవించాడు-చివరి దశలో పరమ దారిద్ర్యాన్ని అనుభవించాడు. ఆత్రేయ దర్శక-నిర్మాతగా “వాగ్దానం” చిత్రాన్ని నిర్మించి ఆర్థికంగా నష్టపోయాక మరెప్పుడూ సినిమాలు తీయనని “వాగ్దానం” చేశాడట!
తెలుగు చిత్ర పరిశ్రమలో “అ”త్రయం  అంటే అద్భుతం.  ఆదుర్తి సుబ్బారావు, ఆచార్య ఆత్రేయ, అక్కినేని నాగేశ్వరరావు కాంబినేషన్లో వచ్చిన చిత్రాలన్నీ విజయవంతమే! ఉదాహరణకి డాక్టర్ చక్రవర్తి, మాంగల్యబలం, మంచి మనసులు, వెలుగు-నీడలు, మూగమనసులు.
సంచలనం సృష్టించిన లేఖ:
      ఆత్రేయ గారి తత్వంతో విసిగిపోయిన పద్మావతి గారు కోపంతో ఆయనకు ఒక ఉత్తరం రాసింది  మీరు ఆత్మకథ రాస్తున్నారని విన్నాను. ఊరికే ఆత్మ కథ రాయడం కాదు; ఇంకో మనిషి చేసిన అన్యాయం గూర్చి కూడా రాయండి అని లేఖ రాసి పోస్ట్ చేసింది. ఆ విషయం అంతటితో మరిచిపోయింది ఆత్రేయ భార్య పద్మావతి. ఆ లేఖ అందుకున్న ఆత్రేయ  కోపగించి ఆమె 1976 రాసిన లేఖ 1989లో ఆత్రేయ చనిపోయిన తర్వాత ఆంధ్రజ్యోతిలో ప్రచురింపబడినది. ఇది వారికెలా చేరిందంటే – భార్య రాసిన లేఖను అందుకున్న ఆత్రేయ ఆత్మకథలో రాయడం కాదు, కావాలంటే పేపర్లోనే ఇస్తానని “ఆంధ్రజ్యోతి” వారికి ఆ లేఖను సీల్ చేసి ఇచ్చి తాను చనిపోయిన తరువాతే బయటకు తీసి దానిని పేపర్లో ప్రచురించమని ఆత్రేయ వారి వద్ద మాట తీసుకొని చెప్పాడట మాట తీసుకొని చెప్పాడట! మంచైనా చెడైనా దాపరికం లేని మనిషి ఆత్రేయ
ఆత్రేయ నిజజీవితంలో సమయస్ఫూర్తితో హాస్యస్ఫోరకంగా వ్యంగ్యంగా మాట్లాడగలుగుతాడు గాని హాస్య సంభాషణా రచన చేయలేడు.   సినిమా రచయిత ఆత్రేయ రాయలేనిది ఏదైనా ఉన్నదంటే అది హాస్య సంభాషణలు ఒక్కటే! అందుకే కొన్ని చిత్రాల్లో హాస్య సన్నివేశాలకు సంభాషణలను అప్పలాచార్య, కొర్రపాటి గంగాధరరావు లాంటి వారి చేత దర్శక-నిర్మాతలు రాయిస్తారు.  అందుకే- ఆత్రేయ కామెడీ మేకింగ్ లో దిట్ట అయినప్పటికీ రైటింగ్ లో డల్” అని సినీ పరిశ్రమలో కొందరు అంటుండేవారు.  మే 7, 1921 లో జన్మించిన ఆత్రేయ, సెప్టెంబర్ 13, 1989 బుధవారం రాత్రి 11 గంటలకు మరణించారు.
      (డాక్టర్ పృద్వి రాజ్ హైకూ కవి, ఇండియన్ హైకూ క్లబ్ వ్యవస్థాపక అధ్యక్షులు, ఆత్రేయ సాహితీ స్రవంతి వ్యవస్థాపకులు. “ఆత్రేయ  సినిమా సంభాషణలు- ఒక పరిశీలన” అనే అంశం పై ఆంధ్ర విశ్వవిద్యాలయంలో పరిశోధన చేసి 2000 సంవత్సరంలో పి.  హెచ్ డి పట్టాను పొందారు.  “మన’సు’కవి, ఆత్రేయ నాటక సాహిత్యం-సంభాషణలు” అనే విశ్లేషణాత్మక గ్రంథాలను రచించారు.  ఆత్రేయ గారి సినిమా పాటలు, మాటలమీద  అనేకమైన ఆడియో, వీడియో సీడీలను రూపొందించారు. ఆత్రేయ సాహిత్యానికి సంబంధించిన అనేక అంశాలపై వీడియో డాక్యుమెంట్స్ రూపొందించి ప్రపంచవ్యాప్తంగా ఆత్రేయ అభిమానులు వీక్షించేందుకు యూట్యూబ్ అనే వెబ్ సైట్ లో పెట్టడం జరిగింది.  ఆత్రేయ సాహిత్యాన్ని పి. డి. ఎఫ్.  ఫార్మాట్, పవర్ పాయింట్ ప్రజెంటేషన్ మొదలగున్న విధానాలలో  అందరికీ అందుబాటులో ఉండేలా సాంకేతిక పద్ధతులను ఉపయోగిస్తూ  కృషి చేస్తున్నారు.  acharyaathreya.blogspot.com అనే బ్లాగ్ ను  నిర్వహిస్తూ ఆత్రేయ సాహిత్య విస్తృతికి పాటుపడుతున్నారు.  డా తలతోటి  పృథ్వి రాజ్ ఆత్రేయ సాహిత్యంశాలపై  పలు వేదికలపై ఉపన్యాసాలిచ్చారు.  ఆత్రేయగారి 24వ వర్ధంతిని పురస్కరించుకొని “భావ తరంగిణి”  పాఠకుల కోసం ఆత్రేయ గారికి సంబంధించిన ఆసక్తికరమైన విషయాలను పృథ్వీరాజ్ ఇలా వ్యాసంగా తెలియజేశారు. ఈ విషయాలు మిమ్మల్ని ఆనందింప చేయగలవని ఆశిస్తున్నాను )

kavisammelan

ఉగాదిని,ప్రత్యేక సదస్సుల సందర్భాన్ని పురస్కరించుకొని వర్ధమాన కవులను ప్రోత్సహించడానికి ఇండియన్ హైకూ క్లబ్ కవి సమ్మేళనాలను నిర్వహిస్తోంది .

Poetry Workshops

ఇండియన్ హైకూ క్లబ్ వర్ధమాన కవులను ప్రోత్సహించుటకు ,తయారుచేయుటకు

Indian Haiku Club Awards

Lorem ipsum dolor sit amet, consectetur adipiscing elit. Nam eu hendrerit nunc. Proin tempus pulvinar augue, quis ultrices urna consectetur non.

Book Releases

Lorem ipsum dolor sit amet, consectetur adipiscing elit. Nam eu hendrerit nunc. Proin tempus pulvinar augue, quis ultrices urna consectetur non.

Indian Haiku Club Publications

Lorem ipsum dolor sit amet, consectetur adipiscing elit. Nam eu hendrerit nunc. Proin tempus pulvinar augue, quis ultrices urna consectetur non.

Lorem ipsum dolor sit amet, consectetur adipiscing elit. Nam eu hendrerit nunc. Proin tempus pulvinar augue, quis ultrices urna consectetur non.

Lorem ipsum dolor sit amet, consectetur adipiscing elit. Nam eu hendrerit nunc. Proin tempus pulvinar augue, quis ultrices urna consectetur non.

Lorem ipsum dolor sit amet, consectetur adipiscing elit. Nam eu hendrerit nunc. Proin tempus pulvinar augue, quis ultrices urna consectetur non.

Lorem ipsum dolor sit amet, consectetur adipiscing elit. Nam eu hendrerit nunc. Proin tempus pulvinar augue, quis ultrices urna consectetur non.

Literary CDs

Lorem ipsum dolor sit amet, consectetur adipiscing elit. Nam eu hendrerit nunc. Proin tempus pulvinar augue, quis ultrices urna consectetur non.

How to read, write, talk

ఎలా చదవాలి? రాయాలి? మాట్లాడాలి ?

సమీక్షకులు :డా తలతోటి పృథ్వి రాజ్ 

 

ఎలా చదవాలి? రాయాలి? మాట్లాడాలి ?అనే పేరుతో విద్యార్థులు మరియు ఉద్యోగార్ధుల లక్ష్య సిద్ధికి మార్గదర్శకంగా ఉండడానికి రామ్ నరేష్ బిర్లంగి రాసిన పుస్తకం ఇది. వన్ ఎయిత్ డమ్మీ సైజులో 80 పేజీల పుస్తకం ఇది. “శైలీ ప్రచురణలు” పేరిట ఈ పుస్తకం ప్రచురింపబడింది.
“ముందుమాట” పేరుతో జాయింట్ కమీషనర్ ఈదర రవికిరణ్ ,ఐ.ఆర్.ఎస్. అధికారి ముందుమాటను రాశారు. “శ్రద్ధావాన్ లభతే జ్ఞానం!” పేరుతో ఆదికవి నన్నయ విశ్వవిద్యాలయం పూర్వ ఉపకులపతి ముత్యాల నాయుడు గారు ముందు మాట రాశారు.
“నా మాట” పేరుతో రచయిత బిర్లంగి రామ్ నరేష్ పుస్తకం రచించడంలోని ప్రధాన ఉద్దేశ్యాన్ని తెలియజేశారు.
ఈ ముందు మాటలన్ని పుస్తకంలో వ్యక్తీకరించబడిన వివిధ విషయాలను పాఠకుడి ముందు ఒలిచిన అరటిపండులా ఉంచబడ్డాయి. పాఠకులకు ఎంతో ఉపయుక్తంగా ఉన్నాయి.
రామ్ నరేష్ బిర్లంగి పుస్తకాన్ని చాలా ప్రణాళికాబద్ధంగా రాశాడని, రచయితగా తాను ఈ పుస్తకంలో సూచించిన విషయసూచిక తెలియజేస్తుంది. “ఎలా చదవాలి? చదవడంలో ఇబ్బందులను అధిగమించేది ఎలా? రాయడం ఎలా? రాయడంలో ఇబ్బందులను అధిగమించి ఎలా? మాట్లాడటం ఎలా? ప్రజాబాహుళ్యంలో ఎలా మాట్లాడాలి? మౌఖిక పరీక్షలను ఎదుర్కోవడం ఎలా? మాట్లాడడంలో అవరోధాలను అధిగమించటం ఎలా? సాధనే విజయసారధి, వజ్ర సంకల్పం విజయానికి పునాది.”ఇలా అనేక అంశాలను అంశాల వారీ సవివరంగా ఈ పుస్తకంలో వివరించారు రచయిత. 
ఉదాహరణకు ఎలా చదవాలి అనే అంశంలో “కొత్త విషయాలు చదవడం ఎలా ప్రారంభించాలి?, జ్ఞాపకశక్తి, బృంద చర్చలు – సత్సాంగత్యం, ఆత్మన్యూనతా భావాన్ని ఎలా అధిగమించాలి?
ఏకాగ్రత, చదవడం-వేర్వేరు వేర్వేరు పద్ధతులు, పరీక్షలకు ముందు ఎలా చదవాలి? ఇలా అనేక అంశాలను కూడా మరింత లోతుగా సవివరంగా ఈ పుస్తకంలో రచయిత వివరించారు. ఇదే విధమైన వివరణ ప్రతి అంశానికి సంబంధించి ఈ పుస్తకంలో ఉంది. 
రచయిత ఈ పుస్తకంలో చర్చించిన విషయాలు కేవలం విద్యార్థులకు మాత్రమే ఉపకరించేవిగాక, వివిధ పోటీ పరీక్షలకు సిద్ధమయ్యే ప్రతి ఒక్కరికి ఉపయోగకరం. ఈ పుస్తకం ప్రతి ఒక్కరి చేతిలో తప్పనిసరిగా ఉండాల్సినటువంటిది.

గ్రూప్-1 పరీక్షలను ఎదుర్కొని విజేతగా నిలిచిన తన అనుభవాలను క్రోడీకరించి రచించిన పుస్తకం ఇది. అటవీ రేంజ్ అధికారిగా ఉద్యోగ బాధ్యతలు నిర్వర్తిస్తూ, ఉన్నతాధికారుల నుండి పలు అవార్డులు స్వీకరిస్తూ, లోపాలు గుర్తించక అహర్నిశలు శ్రమిస్తున్నా చదువుల్లో-ఉద్యోగ ప్రయత్నాలలో సత్ఫలితాలను పొందలేకున్న విద్యార్థులకు ఈ పుస్తకం కరదీపిక.
ఈ పుస్తకం వెల 60 రూపాయలు. ఈ పుస్తకాన్ని కొనాలనుకునేవారు రచయిత వాట్సాప్ నంబర్ 9885045360 ను సంప్రదించి పొందవచ్చు.

MOON INSIDE THE WELL by R MEGALA

MOON INSIDE THE WELL BY R MEGALA

Review By Dr. P. Venkata Sudhakar M.A., M.Phil., B.Ed., D.Litt.,

When my friend Dr. T. Prithvi Raj asked me to write a review to R. Megala’s haiku book Moon Inside the Well I accepted the task happily. I know Dr. T. Prithvi Raj since 2000 not only as a bright scholar but also a multifaceted man. His beautiful association gives me good exposure about haiku for the basic questions like what is haiku? And what are the roots of haiku poetry? and how it attracts the lovers of literature with its own structure.

Moon Inside the Well, by R. Megala is such a wonderful haiku book. As the quote “Face is the index of the mind”, the book’s cover page tells the worth about the haikus in this book. These are really simple in language and very effective in meaning. Who has a little aesthetic sense definitely fall in love in their first look with the book. The book has such an attractive cover page. Quality of the paper and covering tiny haikus with the beautiful picture descriptions on each page do not allow the reader to close the book without reading until the last page of the book. The title itself is very attractive.

Dr. Karunakaran’s ( Srilanka )  and Sri. Pudhuvai Yugabharathi’s comments add extra edge to this book. R. Megala covered all sensitive areas in the present world. Especially her social concern towards the society is touching. The book is divided into two parts. In the first part Amaran translated 99 Tamil haikus of R.Megala into English. The second part 60 Tamil haikus by R. Megala translated by herself into English. After going through the book Moon Inside the Well Megala’s skill of crafting each haiku can be appreciated.

As Dr. T. Karunakaran commented on R Megala’s attitude in this book….her attitude towards society and our Indian culture one can easily identify in this book. Majority of Megala’s haikus are on social concern.

Tajmahal recalls Shajahan

Unknowingly we forgot

It’s craftsmen

The Tajmahal’s structure and its design gives lots of joy to everyone. Taj’s fabulous beauty tells us about the Shajhan’s great love story with his beloved. But we can’t recall the great efforts of the craftsmen who worked for years together for bringing the extraordinary shape and fame to the Tajmahal.

Not for shade

Planting trees but for photograph

Environmental traitor

Through this haiku Megala points out the most selfish animal on the earth. Man does everything with a selfish motto. Such a man can’t visualise the future.

Dreadful disease

Advanced technology can’t cure…….. caste

 

This haiku tells about man’s the most inhuman and barbarous nature in the 21st century.  Though world is advancing day by day in many ways. Man’s stupidity towards caste is limitless. We can notice this mean nature of the man towards his fellowmen in the present society.

 

R. Megala beautifully wrote haikus on contemporary world as well as on the nature. These are all worth reading. After going through this book one can identify the worth of Megala’s poetic sensibility.  Long back I presented my seminar paper on Minerva Bloom’s haikus( USA), in Anakapally, (Indian Haiku Club). I found similarity between these two poets. I can tell R Megala’s book doesn’t disappoint the readers. I give four star rating out of five to this book.

Globalization in Nani Poems

నానీ కవితలలో ప్రపంచీకరణ ~ డా .తలతోటి పృథ్వి రాజ్ 

       ప్రపంచంలోని ఆయా సంస్కృతులను , సంప్రదాయాలను, ఆర్థిక మూలలను , జీవన విధానాలను , సామాజిక వ్యవస్థను విచ్ఛిన్నం చెయ్యడానికి అగ్రరాజ్యాలు పుట్టించిన , సృష్టించిన శక్తే ప్రపంచీకరణ .


       నేడు ప్రపంచంలో అన్నిదేశాలూ అనుసరిస్తున్న అతి ప్రధానమైన వాణిజ్యపద్దతే ఈ ప్రపంచీకరణ . ఈ ప్రపంచీకరణలో సరళీకరణ ,ప్రయివేటీకరణ అంతర్భాగాలుగా ఉంది పరస్పర ఆధారిత మార్కెట్ వ్యవస్థను సృష్టిస్తాయి . ప్రతీ దేశం  దేశంపై ఎగుమతులు దిగుమతుల విషయంపై ఆధారపడి ఉంటాయి . ఈ కీలకాంశమే ప్రపంచీకరణ పేరుతో అగ్రరాజ్యాలు ఆడుతున్న కుట్రకు మూలం . అభివృద్ధి  చెందిన దేశాలు వాటియొక్క మిగులు ఉత్పత్తిని అభివృద్ధి  చెందుతున్న మరియు వెనుకబడిన దేశాలకు ఒప్పందాలు, అంక్షలద్వారా ఎగుమతి చేస్తుంటాయి . ఇతర దేశాలనుండి అవి దిగుమతి చేసుకునే వస్తువులు చాలా స్వల్పం . అందువలన కృత్రిమ డిమాండ్ కల్పించడం , కృత్రిమ మద్యం సృష్టించడం వలన ప్రప్రంచ మార్కెట్ ను శాసిస్తూ అగ్రరాజ్యాలు కొనసాగిస్తున్నాయి .

       ప్రపంచ బ్యాంకు అగ్రరాజ్యాల ఆధిపత్యంలో నడపబడుతున్నందువలన అభివృద్ధి చెందుతున్న దేశాలు , వెనుకబడుతున్న దేశాలపై వివిధ ఆంక్షలు పెట్టి వాటిని సామాజికంగా , సాంస్కృతికంగా , ఆర్థికంగా ఎదగనియ్యకుండా చేయడమేగాక , వాటి వినాశనానికి పూనుకొని కబళించడానికి ప్రయత్నం చేస్తున్నాయి .

       తొంబయ్యో దశకంలో ప్రారంభమై భారతదేశంలో నెలకొన్న ఆర్ధిక అనిచ్చితి అన్నిరంగాలలో పొడచూపింది . ఆ స్థితినుంచి బయటపడడానికి ఆనాటి ప్రధాని పి. వి . నరసింహారావు ప్రపంచీకరణే సరైన మార్గమని ఆవైపు అడుగులు వేశారు  . అందుకే ~ “ప్రపంచీకరణ /బుసకొట్టే పాము/పాలుపోసింది/మా పాములపర్తే ” అని అన్నవరం దేవేందర్ తన నానిలో అంటాడు . ఇక్కడ కవి పివి నరసింహారావు గారి ఇంటిపేరైన “పాములపర్తి ‘ని దృష్టిలో పెట్టుకొని చక్కని నానీని రాశాడని చెప్పవచ్చు .

       ప్రపంచీకరణకు పుట్టిల్లు సామ్రాజ్యవాదం . సహజంగానే ప్రపంచాన్ని ఆర్థికంగా , సాంస్కృతికంగా  కబళించాలని శక్తి వంచన లేకుండా ప్రయత్నిస్తోంది . అందుకే ~  “ఏమిటీ /ప్రపంచీకరణ / సామ్రాజ్యవాద విస్తృతికి /అందమైన తొడుగు “అని కొట్టి రామారావు అంటాడు . అనిశెట్టి రజిత ” జన జీవాలను //శ్రమ సారాలను /పీల్చే ఆక్టోపస్ /ప్రపంచీకరణ ” అని అంటే “తాడులేకుండానే /ఉరి /అర్థమైందా /గ్లోబలైజేషన్ అంటే ” అని డా. ఎస్ రఘు మొదలగు కవులు ,కవయిత్రులు ప్రపంచీకరణలోని సత్యాన్ని చాటారు .
“పాలనా బానిసత్వం /ఆధునికం మెరుగు /ప్రపంచీకరణం /వాణిజ్య ముసుగు ” అని శిరీష అనే కవి అంటాడు . “ప్రపంచీకరణ / ఒక పద్మవ్యూహం /అందరు బలి అయ్యే /అభిమన్యులే !” అని కథకుడు , కవి అయినా జి.రంగబాబు అంటారు .

       సామ్రాజ్యవాదానికి ముద్దుబిడ్డ ప్రపంచ బ్యాంక్ . బడుగుదేశాలకు అప్పులిస్తూ , తన అదుపు ఆజ్ఞల్లో ఆయాదేశాల ఆర్ధిక , సామాజిక ,సాంస్కృతిక ,విద్యా,వైద్య విధానాలను నియంత్రిస్తున్న వరల్డ్ బ్యాంక్ పై కూడా నానీ కవులు తమ ఆందోళనను నానీల రూపంలో వ్యక్తీకరించారు. ఎలా జరిగినా నష్టం మనకే అని తెలిపే “అరిటాకు `ముల్లు ” సామెతను గుర్తుకు తెస్తూ “వరల్డ్  బ్యాంక్ /మనమీద పడ్డా /మనం దానిమీద పడ్డా /కష్టాలు మనకే ” అని డా, ఎస్ ,రఘు రాయగా “అప్పుల ఊడలు దించుతూ /సామ్రాజ్య వాదం /ప్రపంచ బ్యాంకు /మంత్రాల మర్రి “అని జిందం అశోక్ అప్పుల ఊడలతో దేశదేశాలలో పాతుకుపోయి విస్తరించే మర్రిచెట్టులాంటి ప్రపంచబ్యాంకు దోపిడీని వర్ణిస్తాడు .

       ప్రపంచీకరణతో చేతివృత్తులూ దెబ్బతిన్నాయి . “చేయి విరిగిన /చేతి వృత్తులు /ప్రపంచీకరణ దూసిన/చురకత్తులు” అని కూకట్ల తిరుపతి అంటాడు . ప్రపంచీకరణతో ప్రధానంగా వ్యవసాయదేశమైన మన భారతదేశం, రైతుల జీవితం అగమ్యగోచరమైనది . “ప్రపంచీకరణ దెబ్బతో / వ్యవసాయం విలవిల /రైతుబ్రతుకు /దివాలా “అని పొనుగోటి నరసింహారావు అంటాడు . అంతేకాదు ; :సాగు భూమిని/’సెజ్ ‘ లు మింగేస్తున్నాయి /వ్యవసాయానికి /మరో గ్రహణం “అని భుజంగరావు సెజ్ ల పేరుతో సాగే దోపిడీని …కోల్పోయే వ్యవసాయ భూమిగూర్చి బాధను వ్యక్తం చేశారు .  సాగు భూమిని డాలర్లకోసమై రొయ్యల చెరువులుగా మలచడాన్ని నిరసిస్తూ ఇదే కవి “టైగర్ రొయ్యపై /డాలర్ వాలా / ఇక్కడి ప్రజలకు /అందని కల “అంటాడు .

       చివరికి చేతివృత్తులు చేసే చేనేత కళాకారులపై కూడా ఈ ప్రపంచీకరణ ప్రభావం పడింది . అందుకే ~”గుంత మగ్గాల్లో /గుంటనక్కలు దూరే /వాటితాత /గ్లోబల్ మృగం ” అని అనిసెట్టి రజిత చేతివృత్తులు పాడుచేసి యంత్ర పరిశ్రమలను నిరసించారు . అగ్రదేశాల ద్వందనీతిని “స్థలం మారితే / మాట మారుతుంది / ఇదీ ,ఆయుధాలమ్మేవాళ్ళ /విదేశాంగం “అని  విమర్శించారు కవి మంత్రి కృష్ణమోహన్

       మానవీయ విలువలు: గ్లోబలైజేషన్ తో మానవీయ విలువలు మృగ్యమైపోయాయి . మేలుకంటే కీడు ఎంతో జరుగుతుంది . అందుకే ~ “ఇప్పుడు ప్రపంచం /ఒక కుగ్రామం /మానవ సంబంధాలు మాత్రం /దూరం -దూరం “అని నేతల ప్రతాప్ కుమార్ అంటాడు .  ఉమ్మడి కుటుంబ విధానం  పతనమైపోయింది . తల్లిదండ్రుల పై ఆప్యాయతలు కనుమరుగై డాలర్లకై విదేశాలకు ఎగిరెళ్ళిపోతున్నారు నేటి పుత్రరత్నాలు . అందుకే ~ “గ్లోబల్ పేరెంట్స్ కి /పున్నామ ‘నరకం’/చూపించాడు/డాలర్ల కొడుకు “అని భుజంగరావు అనే కవి అంటాడు .

       ప్రపంచీకరణ మార్కెట్ లో మరో కోణం ఆడదాని అంగాంగాలను బహిర్గతం చేసి యాడ్స్ రూపొందించడం . ప్రతివిషయాన్ని మార్కెట్ సరుకు చేసి అమ్ముకునే సంస్కృతే పెట్టుబడిదారి సంస్కృతి . అందుకే ~ “అందాన్ని /మార్కెటీకరించారు /ఆడదిపుడు /అంగడి సరుకు “అని భుజంగరావు నిరసించాడు . అలాగే ~” రేజర్ యాడ్ కి /ఆడదాని గుడ్డలిప్పడం /మల్టీమీడియా /ఆర్ధిక సూత్రం ”  అనినేలపూరి వెంకట రత్నాజీ అంటాడు .

       ప్రపంచీకరణ పుణ్యమా అని మన దేశవాళీ పానీయమైన కొబ్బరి బోండాలకు తెగులు . కొబ్బరి బోండాలను ఇప్పుడు తాగడం మాని పురుగుల మందుతో కూడిన కూల్ డ్రింక్ లను తాగుతున్నారు జనం . అందుకే ~ “ప్రపంచీకరణ /మహత్యం /కోకా కోలా /కొబ్బరి బొండాను తాగేసింది ” అని మేడిశెట్టి గోపాల్ అంటే …”కూల్ డ్రింక్స్ లో /పురుగుల మందులు / మరి బ్రతుకుల్లో / బహుళజాతి చెదలు “అని బద్ది నాగేశ్వర రావు అంటారు . అన్యదేశాల ప్రపంచీకరణ కుట్రల్లో మనం మన సంస్కృతి, సంప్రదాయాల్ని , నాగరికతను కోల్పోతున్న వైనాన్ని అనేకమంది కవులు నానీలలో వ్యక్తం చేశారు . “ఆయుధాల్లేని /యుద్ధం / ఛానళ్ల దాడిలో / అందరూ క్షతగాత్రులే “అని డా. పత్తిపాటి మోహన్ టీవీలలో వస్తున్న విష సంస్కృతి,విచ్చలవిడి శృంగార దృశ్యాలను గూర్చి రాస్తే “విసిరాడు /విష సంస్కృతి వల /పాశ్చాత్య జాలరి /ఇంటర్నెట్ “అని డా. తలతోటి పృథ్విరాజ్ అంతర్జాలం ద్వారా విష సంస్కృతిని దేశంలో ప్రసారం చేస్తున్న పాశ్చాత్యుల దుర్బుద్ధిని నిరసించాడు .
       కలువకుంట రామకృష్ణ చెప్పినట్లు “పునాదుల్లేని /భవంతులేనా/ప్రపంచీకరణ /బహుమతులు” అని అందుకున్న చేదు ఫలాల్ని పరిశీలించి అంటాడు . ప్రపంచీకరణ ఎంతటి దుర్మార్గమైనదంటే …”నిన్ను నీకే /అమ్మేస్తుంది/గ్లోబల్ వ్యాపారం/మోసం అపారం “అంటాడు పి .లక్ష్మణ్ రావ్ .

       ఈ విధంగా ఎన్నో నానీలు ప్రపంచీకరణ నేపధ్యంగా నానీకవులు స్పందిస్తూ రాశారు. ప్రపంచీకరణ అనివార్యమై మన దేశంలో, దేహంలో భాగమే అయినా ఆ వికృత రూపాన్ని మన గుమ్మ దాటనివ్వకుండా, మన నట్టింటిలో తిష్టవేయనీయకుండా జాగ్రత్త వహించాల్సిన అవసరమైతే ఉన్నదని అందరూ గ్రహించాలి